Обновление 23 Августа (07:12)

Аудан әкімінің есептік кездесулері


Елбасы, Ұлт көшбасшысы Нұрсұлтан Назарбаевтың «Қазақстандықтардың әл-ауқатының  өсуі: табыс пен тұрмыс  сапасын арттыру» Қазақстан халқына Жолдауы, «100 нақты қадам» Ұлттық жоспар және «Қазақстан-2050» стратегиясы, «Рухани жаңғыру» бағдарламасы және «Ұлы даланың жеті қыры» сияқты маңызды бағдарламалық құжаттары өткен жыл ішіндегі Қарағанды ​​қаласының Қазыбек би ауданы әкімі жұмысының негізгі бағыты болды.

Ел Президентінің «Қазақстандықтардың әл-ауқатының  өсуі: табыс пен тұрмыс  сапасын арттыру» Жолдауында біздің дамуымыздың алты маңызды бағыты анықталған:

1. Халық табысының өсуі;

2. Өмір сапасын арттыру;

3. Жайлы өмір сүру ортасын құру;

4. Азаматтардың қажеттіліктеріне бағдарланған мемлекеттік аппарат;

5 Тиімді сыртқы саясат;

6.Әр қазақстандықтың елдегі өзгерістер процестеріне қатысуы.

Жолдауда көрсетілген әр бағыт бойынша Елбасы атқарушы, заң және сот биліктерінің алдына нақты міндеттер қойды.

Құрметті жерлестер! Ағымдағы жыл жастар жылы деп жарияланды, бұл біз үшін, яғни қарағандылықтар үшін ерекше маңызға ие, биыл біз қаламыздың 85-жылдық  мерейтойын атап өтеміз.

        Қаланың мерейтойын тойлау аясында ауданымыздың аулалары мен гүлзарларын абаттандыру, жәрмеңкелер өткізу, мерекелік концерттер, спорттық және тағы басқа бірқатар іс-шаралар ұйымдастыру жоспарлануда.

        Бідің аудан елімізде болып жатқан барлық экономикалық өзгерістерге белсенді қатысады және Елбасының жыл сайынғы Жолдауын, Президенттің  бағдарламалық реформаларын ойдығыдай жүзеге асырады.

        2019ж. 01.01. көрсеткіш бойынша Қарағанды қаласының Қазыбек би ауданында 276 445 адам тұрады, өткен жылы ауданымызда 5 080 кішкентай қарағандылықтардың өмірге келуі қуантарлық жәйт. 2019 жылдың 14 қаңтарындағы есеп бойынша ауданымызда 45 мыңға жуық зейнеткер тұрады, жалғыз басты зейнеткерлердің саны- 762, олардың  ішінде 720-на үйде қызмет көрсетіледі, 1- социалистік еңбек Ері (К.Н.Көрпебаев), 34- Ұлы Отан соғысына қатысушылар, 2 054- тыл ардагерлері  бар.

        Аудан көлемі 23 мың га, ауданда 1461 көпқабатты тұрғын үйлер және 16 243 жеке секторлар бар.

        2018 жылы аудандық инфрақұрылымды дамыту бойынша жұмыстар жалғастырылды: Приканальная көшесі бойында Республикалар даңғылынан Тәттімбет көшесіне дейін жаңа автомобиль жолдарын салу (іске асыру кезеңі- 2018-2019 жылдар)  Құрылысшылар даңғылы бойындағы көлік жолдарын күрделі жөндеуден өткізу жұмыстары басталды, Гоголь көшесінде көлік жолдары мен жаяу жүргін жолдары жаңартылды.  Орташа жөндеу жұмыстарына Орбита ы.а. кварталаралық жолдар, 16 бағыт бойындағы, Күнгей ы.а., Мұқанов көшесінің көлік жолдары, жеке секторлар арқылы өтетін  Б. Момышұлы көшесінен Тәттімбет көшесіне дейінгі жолдар, сонымен қатар, Н.Әбдіров көшесіне шығатын Гоголь көшесінен Ерубаев көшесіне дейінгі жолдар қамтылды. Жеке сектор жолдарының көп бөлігінде орташа жөндеу жұмыстары жүргізілді, мұндағы жөнделген жолдардың жалпы көлемі- 60 км құрайды.

        Қарағанды қаласының сыртқы көрінісін әрмен қарай жақсарту, аула алаңдарын абаттандыру, сонымен қатар тұрғындардың демалуына қолайлы жағдай жасау мақсатында ауданды абаттандыру бойыша кешенді шаралар жұмыстары қолға алынды.

        Облыс және қала басшылығының тапсырмасымен 2018 жылдан 2020 жылдар аралығында 50 аула аумағын абаттандыру тапсырмасы берілді. Аула алаңдарын абаттандырудың басты басымдылығы, ол -абаттандырылатын үйде басқару жүйесінің болуында.

        2018 жылы 50 аула алаңдарында абаттандыру жұмыстары жүргізілді (Жаңа қала секторы бойынша 18 аула аймағы, Михайловка секторында- 12, Оңтүстік-Шығыс, Федоровка секторлары бойынша-20 аула аймақтары).

        Абаттандыу жүргізілген аула аймақтарында асфальт жабындылары қалпына келтірілді, жол жиегіне жиек тастар, жол кедергілері, қоқыс жәшіктері мен орындықтар, сонымен қатар жарық бағандары орнатылды.  Барлық атқарылған жұмыстар 2 жылдық кепілдік міндеттемелерге ие.

        Биылғы жылы бұл жұмыстар жалғастырылатын болады. 50 ауланы абаттандыру жоспарланып отыр (Жаңа қала секторы бойынша 17 аула аймағы, Михайловка секторы- 14 Оңтүстік-Шығыс, Федоровка секторлары бойынша- 19 аула аймақтары). 

        Есептік жылда Қарағанды қаласы Қазыбек би атындағы аудан бойынша Гапеев көшесі, 5, Шапағат ы.а., Қарағанды облыстық тарихи-өлкетану мұражайы, Карбышев көшесі, 12 үйдің ауласында иттерді серуендету алаңдары бойынша барлығы  4 гүлзар абаттандырылды.

        Гапеев көшесі, 5 мекен-жайы бойынша балалар ойын алаңының заманауи кешендері, «Streetworkout» тренажерлары, футбол, «Streetboll» құрылыс алаңы  бар, сонымен қатар, асфальт жабындылары, веложол төселген, (жаңадан ағаштар отырғызылып,көгалды шөп төселді), қонақ тұрақтары мен аулаға кіру де едәуір ыңғайлы. Сонымен қатар, 2018 жылы Қарағанды облыстық тарихи-өлкетану мұражайының іргелес аумақтары абаттандырылды, мұнда орналастырылған құрғақ су бұрқағы осы гүлзарға ерекше сән беріп тұрғандай. Сонымен қатар, әдемі бояу қарындаштар сынды орындықтар, қоқыс жәшіктері, жарық бағандары, көгал шөп, жасыл желектер төселген. Сондай-ақ,  жиек тастардан жаяу жүргінші жолдары мен автокөліктерге арналған тұрақ аймағы асфальттандырылды.

        Кинологтар қоғамдық ұйымының көптеген өтініштері бойынша Карбышев көшесі, 12 үйдің ауласында иттерді серуендетуге арналған алаң абаттандырылды. Бұл құзырлы органдардың, яғни ветеринария және жер қатынастары бөлімдерінің келісімімен жасалды. Гүлзарда жарық бағаны, орындықтар мен қоқыс жәшіктері орналастырылып, жасыл желектер төселді, сонымен қатар, иттерді жаттықтыруға арналған  спорттық элементтер орналастырылды. 

        Шапағат шам ауданында да жиек тастар, жаяу жүргін жолдар, жарық бағаналары, қоқыс жәшіктері мен орындықтар орналастырылған, жасыл желектер(жаңадан ағаштар отырғызылып,көгалды шөп төселген) «Streetworkout» тренажерлары мен балалар спорттық ойын элементтері бар гүлзар абаттандырылды. Жұмыс мердігерлік ұйымының күшімен жасалды.

        Сондай-ақ,қарағандылықтардың жайлы демалуына жағдай жасау мақсатында ауданымызда  Университетская, 29, Молокова,94, Орбита ы.а., Язев көшесі, 13а, Күнгей ы.а., Осевая көшесі мен Ержанов көшесі, 30 мекен-жайлар бойынша 7 шағын гүлзарлар абаттандырылды.Әр  саябақ өзіні ерекшелігімен ерекшеленеді.

        Жоба бойынша жиек тастарды орнату, жаяу жүргін жолдар, жарық бағандарын, қоқыс жәшіктері мен орындықтарды орнату және көгалдандыру қарастырылған. 

        Аудан әкімі аппаратының қызметкерлері мердігерлік кәсіпорындар, техникалық қадағалау және басқару органдарының өкілдерімен бірге абаттандыру элементтерін түгендеп, аула аймақтарының жағдайына тұрақты түрде тексеріс жүргізіп тұрады. 

        Ағымдағы жылы келесі мекен-жайлар бойынша 5 кіші алаңды жабдықтау жоспарланып отыр: олар Бұқар жырау даңғылы, 28а, Гоголь көшесі,28,  Гапеев көшесі, 16,  Язев – Университетская көшелері және Полетаева, 5 үйдің аула аймақтары.

        «Аудан аумағын күтіп ұстау» бюджеттік бағдарламасының  шеңберінде аудан аумақтарын, қаланың басты көшелеріне жақын аумақтарды қардан  және  қоқыстардан санитарлық тазарту- жұмыс  кесетесіне сай тұрақты негізде жүзеге асырылып тұрады.  Жеке меншік сектордың ҚТҚ шығаруға келісімшарттарының болмау себебінен 34 рұқсат етілмеген қоқыс тастайтын орын жойылды, 17.0 текше метр қоқыс шығарылды. Сондай –ақ, туысы жоқ адамдарды жерлеу орындарын ұстау бойынша жұмыстар жүргізілді, есепті кезеңде осындай 130 адам жерленді.

        Тұрақты негізде Қарағанды қаласының ІІБ ЖПҚ бірлесе отырып, Қарағанды облысының қалалары мен елді мекендерінде абаттандыру Ережелерін бұзу фактілері бойынша мобильді топтың түсіндірме жұмыстары жүргізіліп тұрады.  Есептік кезеңде  үш полиция бөлімінің учаскелік инспекторларымен абаттандыру ережелерін бұзу фактілері туралы 3529 хаттама толтырылды.

        Келісім-шарт бойынша коммуналдық қалдықтарды жинау, шығару, қайта өңдеу, көму және кәдеге жарату, тұрғындарға ҚТҚ шығару бойынша қызмет Қарағанды қаласының «ГорКомТранс» ЖШС көрсетіледі.

        Бүгінгі таңда маршруттар кестесі бекітілді, мобильді топ  Қарағанды қаласының «ГорКомТранс» ЖШС  жұмысына қадағалау және  мониторинг жасап тұрады. 

          Есептік кезеңде Қарағанды қаласы «ГорКомТранс» ЖШС күшімен жаңа қоқыс жәшіктері қойылған 59 қоқыс жинау алаңдарының құрылысы пайдалануға берілді. Қосымша 44 қоқыс жәшіктері ауыстырылды, 427 қоқыс жәшігі боялып, 98 қоқыс жәшігі жөнделді. Жеке меншік секторда қосымша 48 қоқыс жәшігі орнатылды. Сонымен қатар, жеке сектордың қызмет көрсетілетін аумағында 850 текше метр көлемінде 8 рұқсат етілмеген орында пайда болған қоқыстар шығарылды.

        Тіршілікті қамтамасыз ету және тұрғын үй-коммуналдық шаруашылық  мәселелері аудан әкімі аппаратының ерекше бақылауында. Аудан әкімі аппаратының коммуналдық шаруашылық  басқармасының қызметкерлері өздерінің шағын учаскелерінде жылу беру маусымының өтуін қадағалайды, «Теплотранзит Караганда» ЖШС  жылу жүйесін ретке келтіру тобымен бірге жылу тасымалдағыш параметрлерін тұрақтандыру мәселелері реттелді.

        2018-2019 жж. жылу маусымына дайындық барысында басқару органдарымен 34 үйдің үйішілік жылу жүйесі күрделі жөндеуден өткізілді, 45 жаңа элеватор торабы, 48 жылу торабы, 16 электр қалқаншалары ауыстырылды.Тұтастай алғанда, көп қабатты үйлерде жылуды іске қосу тұрақты. Қазіргі уақытта орталық жылумен 1461 көп қабатты тұрғын үйлер қамтылған. Сонымен қатар, аудан аумағында төрт автономлы жылу жүйесімен жылытылатын 8 үй бар. Ол аудан әкімі аппаратының ерекше бақылауында.

     Қазыбек би атындағы аудан әкімі аппаратының негізгі бағыттарының бірі көпқабатты тұрғын үйлерде кондоминиум нысандарын басқару органдарын құру жұмыстарын ұйымдастыру.  

        Өткен жылы аудан әкімі аппараты басқару органдарымен, сонымен қатар «Теплотранзит Караганда», «Қарағанды Су», «ГорКомТранс» ЖШС коммуналдық қызметтері, Қарағанды қаласының ІІБ ЖПҚ бірлесе отырып 378 тұрғын үйде 578 жалпы жиылыс өткізді. Жоғарыда айтылған жұмыстың қорытындысы, бүгінгі күні 121 иесіз қалған үйде заңды басқару жүйесі құрылды. 2019 жылдың басты міндеттерінің бірі басқа да иесіз қалған үйлерде басқару жүйесін ұйымдастыру.

        Есептік жылы жылу жүйесінің  20 014 шаршы метр жылу желілері ауыстырылды, оның ішінде 6418 шаршы метрі -магистральді жылу құбыры, 13 596 ш.м. - жылу жүйесін тарату құбыры. Жылуды жоғалтпау мақсатында «Теплотранзит Караганда» ЖШС  жылу жүйесінің 20 839 шаршы метріне  қаптау жұмыстарын жүргізді.

Суды бұру және сумен қамтамасыз ету саласында 14 512 шаршы метр су құбыры желілеріне  ауыстыру  жұмыстары жүргізілді, бұл тұтынушыларға тұрақты су беруді қамтамасыз ету,перспективалық бағыттарды жоспарлау, сонымен қатар, су ысырабын 0,7 % -ға, су жүйелерінің істен шығу оқиғаларын 19%-ға азайтуға мүмкіндік берді.

Электрмен жабдықтау бағытында есептік жылы «Қарағанды Жарық» ЖШС жөндеу компаниясымен 65 толық трансформаторлық қосалқы станция, 48,7 км жоғары вольтты электр желілері ауыстырылды. Инвестициялық бағдарламаға сәйкес қалалық типтегі 51 кешенді трансформаторлық қосалқы станциялар қайта жаңғыртылды, бұл қала тұрғындарына электр энергиясын жеткізу сапасына оң әсерін тигізді.

2018 жылы 11 сенбілік  және 12 санитарлық бейсенбі күндері өткізілді. Жұмыс көлемі 15 мың гектарды құрады. Көктемгі-күзгі айлықтарға  ауданды санитарлық тазалау және абаттандыруға 3 мыңнан астам  ұжым жұмылдырылып, 87 мыңнан астам адам қатысты. Сенбілік аясында жалпы көлемі  2 мың метр кубтан астам 22 мыңнан аса рұқсат етілмеген орындарда пайда болған қоқыстар шығарылып, 2 мыңнан астам ағаш көшеттері отырғызылды, бұл жұмыстың түріне 200 ден аса техникалар жұмылдырылды.

        Өткен жылы цифрландырудың аясында «Е-Шаңырақ» электронды деректер  базасын қалыптастыру жұмысы басталды. Бұл  бірыңғай дерекқор  тұрғын үй-коммуналдық шаруашылық жүйесінің барлық  субъектілерін қамтиды және  саланың ашықтығы қамтамасыз етіледі. Осы жүйенің негізінде тұрғындар интернет желісі арқылы төлемдер мен есептеулердің дұрыстығын,  үйдің кіріс-шығыс есептеулерін  тексере алады, сондай-ақ тұрғын үй коммуналдық шаруашылық мәселелері бойынша туындаған проблемалық сұрақтар бойынша өтініш бере алады.

 «Рухани жаңғыру» бағдарламасын орындау барысында  кәсіпкер Болат Қожақпаев аудан әкімі аппаратының АХАЖ бөліміне қаламыздың Оңтүстік Шығыс бөлігінде орналасқан «Ақ Сарай» заманауи  неке қию Сарайын  тарту етті.

Қарағанды қаласының Қазыбек би ауданы әкімінің аппараты  азаматтық хал актілерінің  9 түрі  бойынша мемлекеттік  қызмет көрсетеді. Өткен жылы 38 105  мемлекеттің қызмет көрсетілді, оның ішінде:  7 442  –  баламалы негізде азаматтық хал актілерін тіркеу бөлімінде, 10 074 – «Халыққа қызмет көрсету Орталығы»  департаменті бөлімдері арқылы және 3 328 қызмет-«Электрондық Үкімет» порталы арқылы көрсетілген қызметтер. Сонымен қатар, туу, некені бұзу және қайтыс болуды тіркеу бойынша мемлекеттік  қызмет түрі № 2 ХҚК бөлімі арқылы 3 сағаттың ішінде пилоттық жүйеде  атқарылады.

Тұрғындармен жыл сайынғы есептік кездесу  ауданның дамуына оң әсерін тигізуде. 2018 жылғы кездесуде 82 өтініш түсті, 42 өтінішке жауап кездесу барысында берілсе,  15 өтініш бойынша жауап есептік мерзімде берілді, аудан тұрғындарынан келіп  түскен алғыстар саны -  15.

Цифрландыруды жүзеге асыру аясында аудан әкімі аппараты қызметінде мемлекеттік қызмет алмасуда интранет- портал жүйесі кеңінен қолданылады, сонымен қатар аудан әкімі аппаратының қызметінде атқарылып жатқан жұмыстарды жариялауда  инстаграмм, аккаунт (kazybeудан kbi_blagoustroistvo) қызметі пайдаланылады.

Есептік жылы аудан әкімі аппаратына 1005(2017 ж.-881 ) өтініш келіп түсті. Үкімет,  облыс әкімінің және қала әкімінің  блогтары арқылы келіп түскен өтініштер саны – 259,   бұл көрсеткіш былтырғы жылмен салыстырғанда  65 өтінішке кем. Аудан  әкімінің және оның орынбасарларының азаматтарды жеке қабылдаулары   кестестеге  сәйкес жүзеге асырылады. Есептік кезеңде аудан әкімі аппаратының қабылдауында  162 адам болды.

        Қарағанды қаласының Қазыбек би ауданында кәмелетке толмағандардың істері мен олардың құқықтарын қорғау жөніндегі комиссия  тұрақты негізде жұмыс істейді. 2018 жылы комиссия отырысында кәмелетке толмағандарға арналған түрлі мәселелер бойынша  20 материал қарастырылды.

Талас тудыратын даулы мәселелерді соттың қарауына дейін қарастыру мақсатында 6- адамнан құрылған  кәсіби емес медиаторлар  жұмыс істейді. «Қарағанды қаласы Қазыбек би атындағы аудан әкімі аппараты» ММ мен №2 Қазыбек би атындағы аудандық сот  арасында бегітілген меморандум аясында медиатор кабинеті ашылды.

        Сыбайлас  жемқорлыққа қарсы күрес- біздің қызметтің басты бағыты  болып табылады.

        «Рухани жаңғыру» бағдарламасының «Өзгерісті өзіңнен баста» жобасы аясында Қарағанды қаласы Қазыбек би атындағы аудан әкімінің аппараты электорондық қызмет алу үшін мемлекеттік қызметкерлерді электрондық- цифрлік қолтаңбамен  қамтамасыз етуді бастамаға алды.  Бүгінгі таңда барлық мемлекеттік  қызметкерлер ЭЦҚ  қамтамасыз етілді. Интернет желісінің арнайы бөлігінде сыбайлас  жемқорлыққа қарсы күрес және оның алдын алу шаралары бойынша жұмыс тұрақты негізде жүргізіліп тұрады.

        Елбасы Н.Ә.Назарбаевтың «Қазақстан 2050» стратегиясында  жоғары этика мен кәсібилік тиімді мемлекеттің басты өлшемі болып табылады делінген. 

        Осыған байланысты сыбайлас жемқорлықтың адын алу, мүдделер қақтығысына  байланысты тәуекелдіктерді азайту және мемлекеттік қызметте этикалық құқық бұзушылыққа қарсы профилактикалық  шараларға бағытталған әдеп жөніндегі уәкіл жаңа институты енгізілді.

         «Қарағанды қаласы Қазыбек би атындағы аудан әкімі аппараты» ММ әдеп жөніңдегі уәкіл қызметі мемлекеттік қызметкерлер арасында сыбайлас жемқорлыққа қарсы, қызметтік этикалық нормалары сақтау бойынша өткізілген іс-шаралардың саны- 13 (семинар- кеңес, дөңгелек үстелдер). Мемлекеттік қызметкерлер мен азаматтардан түскен өтініштер фактілер саны -21. Мемлекеттік қызметкерлер арасында екі рет анонимді сауалнама жүргізілді.

         Сыбайлас жемқолыққа қарсы барлық жоспарлар мен стратегиялар орындалуда, осы тақырыпта семинар - тренингтер тұрақты негізде өткізіліп тұрады.

        Тұрғындармен жұмыс барысында Қоғамдық Кеңес пен жергілікті өзін-өзі басқару Кеңесінің жұмысы үлкен орын алады. Мәселелерді шешуде 8 аймақтық жергілікті өзін-өзі басқару Кеңестері жұмыс істейді. Оның құрамында қалалық мәслихат депутаттары,  «Нұр Отан» партиясының белсенді мүшелері, ПИК төрайымдары, қоғам қайраткерлері, кәсіпкерлер мен  азаматтық  ұстанымдары жоғары тұрғындар бар. Қоғамдық Кеңес пен жергілікті өзін-өзі басқару Кеңесінің жұмысы тұрғындармен сындарлы диалог орнату барысында және тіршілікпен қамтамасыз ету мен абаттандыру мәселелерін бірігіп шешуге көмектеседі.

Біздің қызметте ең басты орын алатын, ол әлеуметтік мәселе және оның шешімі. Аудан әкімінің аппараты Ардагерлер кеңесі, Қазыбек би атындағы «Нұр Отан» партиясының филиалы және меценаттармен бірлесе отырып, Ұлы Отан соғысы ардагерлері, ауданның ұзақ өмір сүрушілері мен халықтың әлеуметтік осал топтарына тұрақты түрде қолдау көрсетіп тұрады.

Аудан басшылығының облыс, қала депутаттарымен бірге перзентханаларға барып, мемлекеттік мерекелер қарсаңында дүниеге енді ғана келген  жас сәбилердің отбасын құттықтап, туу туралы куәліктер мен сыйлықтар үлестіру дәстүрге айналған.  

2018 жылы 6 көп балалы ана «Алтын Алқа» және «Күміс Алқа» төс белгілерімен марапатталды.

Өткен жылы аудан әкімінің аппараты мемлекеттік мерекелер құрметіне мәдени және қайырымдылық іс шаралар өткізді.

        Халықаралық әйелдер 8 наурыз мерекесі құрметіне ауданның, қаланың дамуына зор үлес қосқан 40 әйел- мемлекеттік қызметкерлер, еңбек ардагерлері, мемлекеттік мекемелердің басшылары, шағын және орта бизнес өкілдері, ПИК және ЖШС табысты қызмет атқарып жүрген қызметкерлердің шақырылуымен  аудан әкімінің салтанатты қабылдауы өтті.

        Күн мен түннің теңелу күні - Наурыз мерекесін ел болып атап өтетіні белгілі. Қаламыздың Оңтүстік-Шығыс тұрғындары үшін Наурыз мейрамын Шахтерлер даңғылы, 62 мекен-жайында орналасқан Достық Үйінің алдында атап өту дәстүрге айналған. Достық  Үйінің алаңына 5 киіз үй және 6 шатыр орнатылды. «Шебер» декаративті қолданбалы өнер шеберлер Орталығы ҚБ қолдауымен қолөнер жұмысы, көрмелер ұйымдастырылды: сувенирлер, ұлттық атрибутика, суреттер, ойыншықтар т.б. Жарқын мереке - наурыз мейрамына жағдайлары төмен 210 азаматтар қайырымдылық түскі асқа шақырылды. Сонымен қатар қала мейрамханаларында балалар үйінің тәрбиеленушілеріне арналған қайырымдылық түскі ас ұйымдастырылды.        Әдемі безендірілген киіз үй, алтыбақан, ұлттық тағамдар, сонымен қатар Е.А.Бөкетов атындағы ҚарМУ,  Достық Үйі және Қ.Байжанов атындағы концерттік құрамның кәсіби әртістерінің күшімен қойылған мерекелік концерт, мерекені тамашалауға келген халыққа үлкен мерекелік көңіл-күй сыйлады. Арқан тарту, тоғыз құмалақ, армреслинг, ауыр гирлерді көтеру сынды спорттың 4 түріне арналған сайыс спортқа құмар жандарды қуанышқа бөлеп, сайысқа ерекше талпыныс берді. Спорттық тартысқа қатысқан барлық ойыншылар сыйлықпен марапатталды.

        Жеңіс Күніне орай әр көктемде бүкіл халық болып Ұлы Отан соғысына қатысушы солдаттарға тағзым етеді. 2018 жылдың 9 мамырындағы көрсеткіш бойынша аудан бойынша соғыс ардагерлерінің саны 44 болды, олардың барлығы ауданның 35 демеуші ұжымдарына бекітілген.

        Жеңіс Күнін мерекелеу қарсаңында Кеншілер мәдениет Сарайында Ұлы Отан соғысы ардагерлеріне арналған аудан әкімінің  қабылдауы  өтті.

        9 мамыр Жеңіс күні қалыптасқан дәстүр бойынша Жеңіс саябағында мерекелік безендірілген шатырлар орнатылады. Соның бірі аудандық шатыр, онда майдандық ботқа таратылып, Қ.Байжанов атындағы концерттік құрамның кәсіби әртістерінің күшімен қойылған мерекелік концерт тамашаланды. Құрметті қонақ иелері Ұлы Отан соғысының ардагерлері мен тыл ардагерлері болды. Сонымен қатар біздің шатырға кіріп дәм татқан адамдар саны 2.5 мыңдай адам болды.

        1 желтоқсан Қазақстан Республикасы  Тұңғыш Президенті күні аудан әкімі аппараты Нұр Отан партиясы аудандық филиалымен соғыс және тыл ардагерлерінің, қалалық мәслихаттың депутаттары мен студенттік және жұмысшы жастардың өкілдерінің қатысуымен Дөңгелек үстел өткізді. Нұр Отан партиясының қатарына алғаш  қосылған азаматтарға партия билеттері тапсырылды.

        Еліміздің ең басты ұлттық мерекесі - Қазақстан Республикасының Тәуелсіздік күнін Қарағанды қаласы Қазыбек би атындағы аудан әкімінің аппараты Достық Үйінің ғимаратында Қазақстан халықтары Ассамблеясымен бірге атап өтті. Жылы, достық көңіл күйде ұжымдардың басшылары, қызмет көрсетуші кәсіпорындардың өкілдері, Қарағанды облысы ассамблеясының белсенділері, спортсмендер, ПИК, мердігерлік ұжымдардың жұмысшылары аудан әкімінің Құрмет және Алғыс хаттарымен марапатталды.

        Аудан әкімдігі демеушілермен бірге жаңа 2019 жылдың қарсаңында Балалар және жасөспірімдер Сарайында жетім балаларға, аз қамтылған және көп балалы отбасыларының, сонымен қатар мүмкіндігі шектеулі балаларға арналған  жаңа жылдық шырша ұйымдастырды. Жаңа жылдық мерекеге ауданның 250 баласы қатысты, мереке қонақтарына демеушілер атынан тәтті сыйлықтар мен ойыншықтар үлестірілді. Қосымша тағы 70 балаға Бақытты Жаңа Жыл тілеп, үйлеріне барып жаңа жылдық сыйлықтар таратылды.

        Ағымдағы жыл жастар жылы деп жарияланды, бұл біз үшін, яғни қарағандылықтар үшін ерекше маңызға ие, биыл біз қаламыздың 85-жылдық  мерейтойын атап өтеміз.

Елбасының қойған негізгі міндеттерінің бірі, ол- тұрғын-үй коммуналдық  саласының айқындылығын, ашықтығын  қамтамасыз ету және коммуналдық қызмет тарифтерін азайту, аудан әкімінің аппараты бұл қойылған міндеттерді орындауда барлық күш-жігерлерін салады, оған біздің күш-қуатымыз жетеді.

 Құрметті аудан тұрғындары! Алға қойған мақсатқа тек бірлескен еңбекпен ғана жете алатынымызға сенімдімін.

Государственные символы

Караганда 11°C

Ветер: 1 м/с, Влажность: 38%
2007-2013 © Информационный портал Аппарата акима
района имени Казыбек би города Караганды
© 2013 Разработка и поддержка:
Интернет компании «Creatida»