19 Қаңтар 2018
2018 жылдың 17 қаңтарында «Қарағанды қаласы Қазыбек би атындағы аудан әкімі аппараты» ММ аудан әкімі Т. Н. Шатохинаның төрағалығында Қазақстан Республикасы Президенті Н.Ә. Назарбаевтың 2018 жылдың 10 қаңтарындағы «Төртінші өнеркәсіптік революция жағдайындағы дамудың жаңа мүмкіндіктері» Қазақстан халқына Жолдауы бойынша түсінік беру жиналысы өткізілді.
Берілген жиналысқа көпқабатты тұрғын үйлердің басқару мүшелерінің төрағалары, «Теплотранзит Караганда» ЖШС, «Қарағанды Су» ЖШС, «Коммунсбыт» ЖШС, «Қарағанды қаласы Қазыбек би атындағы ауданның қоғамдық денсаулық сақтау басқармасы» ММ, Қарағанды қаласы ІІБ ЖПҚ өкілдері шақырылды.
Жиналыс барысында қосымша жылыту маусымының өтуі, үй маңы және аула аумағында Абаттандыру ережелерін сақтау мәселелері, сонымен қатар, ҚР «Тұрғын үй қатынастары» Заңына өзгертулер және қосымшалар енгізу жобасы талқыланды.
Конструктивті диалог орын тапты және барлық қойылған сұрақтарға тиянақты түрде жауаптар берілді. Жиналысқа қатысушылар кездесудің өзектілігін және қабылданған ақпараттың маңыздылығын белгіледі.
