06 Қазан 2017
Қарағанды қаласының Қазыбек би атындағы аудан бойынша ұзақ өмір сүрушілердің саны- тоғыз адам.
Бұл 100 және одан жоғары жастағы егде тартқан адамдар. Олардың қатарында үстіміздегі жылдың қаңтарында өзінің бір ғасырлық ғұмырын атап өткен Ұлы Отан соғысының ардагері Ақажанов Мұқажан ата бар. Ол соғыстың алғашқы күнінен бастап арнайы бөлімде барлаушы болып, әскерлік қызметін 1946 жылы қызыл әскер қатарында аяқтады. Қазіргі таңда немерелерінің қолында Шет ауданының Ақсу-Аюлы кентінде тұрады.
Халықаралық Қарттар күні мерекесі қарсаңында аудан әкімдігі, Ардагерлер Кеңесі және қалалық мәслихат депутаттары барлық ұзақ өмір сүрушілердің үйіне барып құттықтады.
Атқарушы билік өкілдері оларға құттықтау қағаздарын, азық-түлік, жемістер салынған пакеттер ұсынып, денсаулық, жақындары мен туыстарының көңілдеріне, қамқорлықтары мен сүйіспеншіліктеріне бөлене берулеріне тілек білдірді.
