05 Мамыр 2017
2017 жылдың 3 мамырында Қарағанды қаласы Қазыбек би атындағы аудан әкімі Т.Н.Шатохинаның аудандық «Нұр Отан» партиясының және аудандық ардагерлер Кеңесі өкілдерімен бірлескен Ұлы Отан соғысы және соғыс жылдарында еңбек еткен тыл ардагерлерімен қабылдауы өтті. Мерекелік қабылдау «Арзу» дәмханасында ұйымдастырылды. Оған 27 ардагер қатысты. Осындай айтулы күнмен қонақтарды атқарушы билік өкілі атынан - аудан әкімі Т.Н.Шатохина, «Нұр Отан» партиясы атынан А.Х.Бектұрова, ардагерлер кеңесі атынан- Г.Ш.Тұяқов құттықтады. Соғыс ардагерлері әсери формада, ордендері мен медальдерін төстеріне тағып, ерекше көңілде болды. Әкімнің қабылдауында сөз алған ардагерлер аудандық әкімшілікке, демеушілерге өздеріне көрсетіліп тұратын мейірім мен көңілдеріне алғыстарын айтты, соғыс жылдарындағы бастан өткен әңгімелерімен бөлісті. Теміржол мәдени үйінің әртістері соғыс жылдарда айтылған әндерді айтып, ал қонақтар ерекше көңіл күймен қосылып отырды. Дәмхана иелері Жұмабековтердің силаған осы бір дәмдері ардагерлер атынан үлкен мерейге ие болды. Ұлы Отан Соғысы Жеңісінің 72 жылдығына арналған аудан әкімінің қабылдауында ардагерлерге сыйлықтар мен ештеңеге айырбасталмайтын қалампыр гүл шоқтары сыйланып, ескерткіш суретке түсті.
